Կակտուս

Ջրելու հաճախականությունը

Աշուն-ձմեռ ժամանակահատվածում կակտուսները ջրվում են մոտավորապես 4 շաբաթը մեկ։ Ձմռանը կակտուսի համար իդեալական է 7-10 աստիճանը։ Գարնանը ջրել մոտավորապես 2 շաբաթը մեկ՝ մի փոքր խոնավացնելով հողը (որոշ դեպքերում`ավելի հաճախ,եթե շոգ է)։ Ամռանը 7-10 օրը մեկ է անհրաժեշտ ջրել։

Ջրելու գործընթացը

Ջուրը պետք է լինի սենյակային ջերմաստիճանի և նստած (մեկ օրվա, որպեսզի քլորը հնարավորինս քիչ լինի): Ջրելուց հետո հողը պետք է լինի միջին խոնավության: Ավելի լավ է ջուրը լինի քիչ, քան շատ (ավելորդ ջուրը բույսի արագ փտում է առաջացնում): Բայց և իհարկե, կարևոր է հետևել, որպեսզի հողը շատ չչորանա:

Լույս

Կակտուսների լուսավորությունը շատ կարևոր է: Ցանկալի է, որ բույսերը ստանան արևի լույս, հետևաբար ավելի լավ կլինի դրանք տեղադրել պատուհանի կողքին: Անհրաժեշտության դեպքում հատկապես աշնանը և ձմռանը Դուք կարող եք ստեղծել լրացուցիչ լուսավորություն: Տաք եղանակին կակտուսները խորհուրդ է տրվում ստվերել արևի ուղիղ լույսից ՝ այրվածքներից խուսափելու համար:

Տեղափոխում

Գարուն-ամառ ժամանակահատվածում դուք կարող եք տեղափոխել բույսը թարմ հողի մեջ։ Լավ կլինի մաքրել նաև արմատները հին հողից։ Աշուն-ձմեռ ժամանակահատվածում՝, երբ բույսերը քնած են, ավելի լավ է տեղափոխել՝ պահպանելով արմատների վրա նախկին հողը և մնացած ամանում լցնել նոր հող։